Matteo Piasente al è nassût ai 6 di Març dal 1971. Al à vivût a San Zorç di Noiâr fint al 2006 e cumò al è a stâ a Sante Marie di Sclaunic, sposât e cun doi fruts.

Elet tal coleç di Basilian, Listize, Merêt di Tombe e Sedean tal Avrîl dal 2008, al è Cjâfgrup de Leghe Nord intal Consei provinciâl e component de Comission speciâl vigjilance e control e de Comission provinciâl des politichis pe famee, politichis sociâls, paritât om femine, istruzion, sigurece e cooperazion sociâl, volontariât, protezion civîl, culture e identitât, politichis linguistichis, comunitâts furlanis intal mont, ativitâts sportivis e ricreativis.

Elet tal Jugn 2009 Conseîr comunâl a Listize, al à la cjarie di Assessôr a la culture, sport, biblioteche e turisim.

Dai 6 di Març dal 2010 al è il Segretari provinciâl de Leghe Nord inte provincie di Udin.