Giovanni Battista Polesello al nas a Udin intal 1963, si lauree in Architeture intal 1992 al I.U.A.V. di Vignesie e intal stes an si iscrîf al Ordin dai Architets de Provincie di Udin.

Libar professionist dal 1992, al fâs diviersis esperiencis professionâls in Italie e intal forest intal ambit de progjetazion urbanistiche e architetoniche.

Dal 2005 al torne a cjapâ la libare profession in forme individuâl. Il stes an al devente consulent di imprese e President de Societât Imobiliâr colegade.

Dilà de ativitât professionâl si svicine ae didatiche come assistent volontari, prime al I.U.A.V. di Vignesie e dal 1996 lì de facoltât di Inzegnarie de Universitât dai Studis di Bologne.

Intal 1996 dopo un concors par Dotorât di Ricercje in Inzegnarie Edilizie e Teritoriâl, al cjape une borse di studi inte Universitât di Bologne. Intal 1999 al cjape il titul di Dotôr di Ricercje.

Dal 1999 al 2005 al è professôr a contrat di Composizion e Progjetazion Urbane e Tecniche Urbanistiche lì de Universitât dai Studis di Bologne, ativitât che i permèt di scrivi pe stampe saçs e articui.

Politicamentri atîf dal 1999, intai Democratics di Sinistre prime, intal Partît Democratic vuê. Elet intes listis dai DS intal Consei de tierce Circoscrizion, a ‘nt devente President intal Fevrâr dal 2007.

Al è intal Consei di Aministrazion de Universitât di Udin in rapresentance de Regjon Friûl Vignesie Julie.

e-mail: giovannibattista.polesello@provincia.udine.it

Segretarie Grups di Minorance 
Rita Nadalin – tel. 0432.279722
e-mail: rita.nadalin@provincia.udine.it