Sposât, al vîf a Faedis.

Al à cjapade la maturitât sientifiche e, po dopo, il diplome universitari in Educazion professionâl.
Dopo une lungje esperience inte cooperazion sociâl al fâs cumò il Consulent pes Politichis Sociâls, cun riferiment ai percors partecipatîfs e al coinvolziment des realtâts no profit e associazionistichis inte progjetazion e monitorament dai Plans di zone proviodûts de L. 328/00.

Conseîr comunâl a Faedis dal 1999, Assessôr ae Culture, Associazionisim, Turisim e Svilup dal Teritori dal 2004, vicesindic dal 2006. Al tache la sô ativitât politiche inte Sinistre zovine dulà che al è segretari provinciâl dal 1996 al 2000, al devente segretari organizatîf de federazion di Udin dai Democratics di Sinstre e intal 2004 al ven elet segretari politic.

Intal 2008 al devente coordenadôr provinciâl dal Partît Democratic  
Elet in Consei Provinciâl inte liste dal PD (coleç di Flumisel) al è cun di plui, vicepresident de Comission Consiliâr Speciâl “Revision dal Statût e dai relatîfs Regolaments” e component de Comission “Politichis pe famee – Politichis Sociâls – Pâr Oportunitâts – Istruzion – Sigurece – Cooperazion Sociâl – Volontariât – Protezion Civîl – Culture e identitât – Politichis linguistichis – Comunitâts furlanis intal mont – Ativitâts sportivis e ricreativis”.

e-mail: cristiano.shaurli@provincia.udine.it

Segretarie Grups di Minorance 
Rita Nadalin – tel. 0432.279722
e-mail: rita.nadalin@provincia.udine.it