Il President

L’on. Pietro Fontanini al è nassût a Udin ai 23 di Setembar dal 1952. Al è laureât in Sociologjie e al fâs l’insegnant.

Al è stât President de Zonte Regjonâl inte VII Legjslature dai 3 di Avost dal 1993 ai 11 di Zenâr dal 1994. Al à esercitât ancje la carghe di President dal Consei Regjonâl dai 9 di Lui dal 1993 ai 3 di Avost dal stes an.

Al è stât elet Senatôr inte XII Legjislature e Deputât ae Cjamare inte XIII Legjislature. Al à esercitât la carghe di Deputât ancje inte XIV Legjislature.

Al è stât Sindic intal Comun di Cjampfuarmit par doi mandâts, dai 22 di Mai dal 1995 ai 16 di Jugn dal 2004.

Inte sô cariere politiche, tra chei altris, al à esercitât chestis incarghis parlamentârs: President dal Comitât pe Legjislazion de Cjamare dai Deputâts dai 26 di Otubar 2004 ai 25 di Avost dal 2005; Vice President de I Comission (Afârs Costituzionâi de Presidence dal Consei e Internis) dai 21 di Jugn 2001 ai 27 di Avrîl dal 2006.

Intes elezions dai 13 e 14 di Avrîl dal 2008 al è stât elet al prin turni President de Provincie di Udin intes listis de Leghe Nord. Lis sôs deleghis a son: Belanç, Avocature, Riformis Istituzionâls, Politichis Linguistichis e Comunitâts Furlanis intal mont.

Orari di riceviment:

Ogni miercus des 12.00 aes 13.00.

Scrîf al President:

Piazza Patriarcato, 3
33100 Udine
telefon: 0432/279430/31
fax: 0432/279311
 
e-mail: pietro.fontanini@provincia.udine.it