E vîf a Buie dal 1994, paîs di origjin de none.

Dal 1986 e je stade Resoniere in studis professionâi e intune aziende industriâl cun deleghe dal Consei di Aministrazion. In dì di vuê – e fint al Setembar 2010 – e lavore intun Consorzi di Bonifiche.

E je stade elete Conseîr comunâl a Buie intal 1998, dulà che e je inmò in carghe, dopo lis rielezions dal 2002 e dal 2007.

Dal 1998 al 2002 e je stade Vicesindic, cun diviersis deleghis. Dopo vê rinovât l’incaric come Assessore comunâl intal 2002 e intal 2007, in particolâr cui referâts di Istruzion, Culture e Pâr Oportunitâts, dilunc dai soi mandâts a nassin la gnove Biblioteche comunâl, la gnove Scuele materne comunâl e il gnûf Museu di Art de Medaie e de Citât di Buie.

A cjapin cun di plui il vie diviersis oparis di recupar architetonic sul borc storic di Monte. E je il prin President al inviament dal Servizi associât culture inte Comunitât Culinâr, aree teritoriâl dulà che si opare in iniziativis sovracomunâls.

E ven elete intal Consei Provinciâl intal 2008 tal coleç che al cjape dentri i comuns di Buie, Osôf, Trep Grant, Colorêt di Montalban e Cjassà intes filis de Leghe Nord, unic partît dulà che e à operât politiche ative fin dal 1994.

E je nominade Assessore ae Istruzion, Culture, Pâr Oportunitâts e Identitâts de Provincie di Udin. E sta frontant lis variis tematichis des sôs competencis, partecipe des riformis inviadis dal Stât centrâl e inte convinzion che la rispueste teritoriâl furlane e sarà juste, madure e puntuâl.

E je une vore convinte che la azion politiche aministrative e vebi di jessi leade ae vere vite dal teritori, ae sô storie e tradizion, a lis sôs aspirazions ancje internazionâls e che e vebi di jessi davuelte in base ai principis di ecuitât, trasparence, coretece e responsabilitât.

e-mail: elena.lizzi@provincia.udine.it

Segretarie

Cristiana Cisilino – tel. 0432.279462

e-mail: cristiana.cisilino@provincia.udine.it