Si è diplomât perît aziendâl e corispondent in lenghis forestis, po dopo si è laureât in Siencis politichis inte Universitât di Triest.

Cuant che al à finît i studis al à colaborât inte aziende di famee come responsabil aministratîf.

Dal 1998 al è Sindic dal Comun di Manzan e dal 1999 al à diviersis incarghis, deventant tra l’altri conseîr provinciâl, elet intes listis di Aleanze Nazionâl intal coleç di Manzan.

In Provincie al è stât ancje president de comission consiliâr permanente “belanç e financis, programazion e control di gjestion, personâl e relative formazion, afârs gjenerâi, ents e organisims partecipâts”. Simpri intal 1999 al devente component dal Upi FVG (Union des Provinciis dal Friûl Vignesie Julie) e dal 2005 ancje dal Diretîf nazionâl. Dal 1999 al è ancje conseîr de fondazion “Badie di Rosacis”.

Dal 2000 al 2009 al esercite la incarghe di component dal Comitât di distret dal “distret de cjadree”, istituît cu la leç regjonâl 27/1999, che e à sede intal Comun di Manzan.

Po dopo, dal 2003 al 2009 al è ancje component dal Cda di Exe spa di Udin e vicepresident de Ziu (fint al 2006). Tornât a elezi conseîr provinciâl intal 2006, al è stât nominât Assessôr Provinciâl al Lavôr, ae Formazion e a lis Ativitâts Produtivis e duncje al à dadis lis dimissions di sindic.

Tornât a elezi intes elezions intal avrîl dal 2008, cumò al esercite la carghe di Vice President e Assessôr ae Agricolture, ae Formazion professionâl e al Lavôr.

Dal 2009 al è component dal Cda di Consorzi Friûl Formazion.

e-mail: daniele.macorig@provincia.udine.it

http://www.provincia.udine.it/amministratori/giunta/macorigdaniele/Pages/default.aspx

Segretarie

Cristina Nolgi – tel. 0432.279475

e-mail: cristina.nolgi@provincia.udine.it