Te prossime pontade di "Contile Juste", la trasmission informative setemanâl par furlan realizade de Provincie di Udin, si fevelarà dal conciert organizât de Provincie “Il Cjant dai fruts furlans” che si è tignût sabide passade li dal “Teatro Nuovo Giovanni da Udine”. Protagoniscj sul palc dal “Teatrone” a son stâts 200 fruts dai 4 ai 16 agns, che a àn interpretât lis cjançons de tradizion popolâr furlane. Vie pe pontade a saran mostradis imagjins de serade e o sintarìn il coment dal president de Provincie di Udin on. Pietro Fontanini su cheste biele serade. La gnove pontade di "Contile Juste" e larà in onde su Telefriuli sabide aes 7.45 sore sere e domenie aes 8.15 sore sere; su TelePordenone sabide aes 9.15 sore sere e domenie ae une e un cuart dopomisdì; su Free il vinars aes 20 e in repliche te stesse zornade a miezegnot, la sabide aes 7.45 e aes 12.45.