Statût

Il Statût de Provincie di Udin al è stât aprovât dal Consei Provinciâl cun deliberazions n. 73 dal 06/11/2000, n. 4 dal 22/01/2001 e n. 10 dal 12/02/2001 e al è deventât esecutîf in date 26/03/2001. Cun di plui al è stât modificât cun deliberazion n. 73 dai 16/10/2002 e deventât esecutîf ai 03/12/2002. Po dopo modificât cun deliberazions dal Consei Provinciâl n. 87/2002, n. 25/2004, n. 26/2004 e n. 28/2004, deventant esecutîf in date 15/09/2004.

Il Statût, intal ambit dai principis fissâts de normative in vore, al stabilìs lis normis fondamentâls de organizazion dal Ent e, in particolâr, al specifiche lis atribuzions dai orghins e lis formis di garanzie e di partecipazion des minorancis, i criteris gjenerâi in materie di organizazion dal Ent, lis formis di colaborazion tra comuns e provinciis, i principis in materie di partecipazion popolâr, decentrament, acès dai citadins a lis informazions e procediments aministratîfs, la steme e il confenon.
Cun di plui la cjarte statutarie e stabilìs lis normis par sigurâ cundizions di pâr oportunitâts tra om e femine ai sens de leç dai 10 di Avrîl dal 1991, n. 125, e par promovi la presince di ducj i doi i ses intes zontis e intai orghins colegjâls dal comun e de provincie, e ancje dai ents, aziendis e istituzions che di lôr a dipendin.


Intai principis gjenerâi di chest Statût tal articul 1, ponts 8 e 13, a vegnin ancje descrits chescj principis in materie di tutele des minorancis linguistichis e a pro des comunitâts furlanis tal forest:

pont 8: “La Provincie e considere la lenghe furlane tant che un valôr che no si pues rinunziâi parcè che e costituìs espression fondamentâl de identitât dal popul furlan; si impegne a consintînt e valorizânt l’ûs in ogni ambit, intai limits previodûts de Costituzion e di chês altris normis juridichis soreordenadis a chês di chest Statût”;

pont 13: “La Provincie e promôf e e interven a poie des iniziativis culturâls e sociâls fatis par prudelâ il mantigniment des relazions e i leams tra lis comunitâts furlanis, di ogni bande presintis intal mont, e la tiere di origjin”.

Preambul:
Il Friûl, inte sô storie plui che milenarie, al à simpri dimostrât grande sensibilitât e tacament a lis istituzions che a àn difindût e esaltât la identitât dai popui che i vivin. Il Friûl, di fat, si fâs onôr di vê dât vite, tra lis primis Comunitâts de Europe, a une forme origjinâl di rapresentance democratiche, il “Parlament de Patrie dal Friûl”.
Fasint riferiment a cheste storie e cussiente dal dirit di ducj i popui di dâsi formis libaris di partecipazion, regoladis intal lôr funzionament, intindudis a ricognossi e prudelâ i dirits individuâi, la Provincie di Udin e met in vore il so Statût in cheste formulazion
”.

 

Pagina aggiornata il 01.06.2016