Ufici relazions cul public

Al à un compit di informazion e di comunicazion par favorî il rapuart jenfri la Aministrazion provinciâl e i citadins. Il servizi al è destinât ancje ai turiscj e ai ospits de citât di Udin e in cheste prospetive al è impegnât a colaborâ in rêt cun altris aministrazions, ents, istituzions e associazions.

La Unitât Operative e fâs servizi di informazion, di assistence e di scolte che, in struc, a compuartin:

  • informazions su la Aministrazion (struture organizative, proceduris aministrativis, normativis di riferiment, responsabii dai procediments, oraris e uficis pal riceviment) e su cuistions di utilitât publiche (culture e spetacui, sport e timp libar, istituzions sientifichis e scolastichis, traspuarts, turisim, associazionisim);
  • Informezovins comunâi;
  • assistence e consulence par inviâ lis pratichis;
  • racuei lis segnalazions;
  • racuei lis propuestis e i conseis par justâ e miorâ la cualitât dai servizis e par slargjâ il cjamp di azion e di eficacitât.

Cun di plui l’Ufici Relazions cul Public al coordine la organizazion di cunvignis e events insiemit cu lis altris U.O. interessadis;

  • al cure la imagjin dal Ent in ocasion des diviersis iniziativis;
  • al viôt dal cerimoniâl;
  • al organize visitis guidadis di caratar storic e artistic tes salis di Palaç Antonini-Belgrât;
  • al gjestìs lis ativitâts dal Salon dal Consei, de Sale dai Vints, de Sale dai Araçs e de Sale dal Sial.

Il citadin al pues voltâsi ai adets de Unitât Operative:

Dulà: Place Patriarcjât, 3 – Udin

Cuant:

  • lunis, martars e miercus 09.00 – 13.00 e 15.00 – 16.30
  • joibe e vinars 09.00 – 13.00

Modulistiche

Istance di jentrade

istance ûs salis

Pagina aggiornata il 09.02.2017