Al à aderît ae Rêt Museâl Provinciâl 

Il presepi artistic e Storic des Muiniis Ursulinis, logât fin des sôs origjins dentri dal Munistîr di Sante Marie in Val, al è fat di statuutis cun cjâf e mans di cere e cuarp di stope. La tradizion orâl e assegne il lavôr preziôs di artesanât popolâr al Sietcent, ma studis che sui costums lu puartin ae seconde metât dal Votcent.

Lis statuutis, fatis intal cidin de clausure, a fasin rivivi la int che e animave i marcjâts e lis stradis di Cividât ancje par vie dai nons furlans che lis muiniis ur vevin dât aes statuutis: Justin, Agnul, Checo…

Tra lis muris dal antîc Munistîr di Sante Marie in Val par desenis di agns e je stade mantignude la tradizion di preparâ il Presepi des Ursulinis, tradizion che e je stade recuperade, dopo une dade di timp che no si veve fat, propit dal Dicembar dal 2004 e intal so ambient origjinari, vâl a dî sot dal tor dal cjampanili de glesie di Sant Zuan Batiste, li de lavandarie viere des Ursulinis.