Il Centri visitis al fâs part di chei che a son ator pai comuns dal teritori dal Parc des Prealps Juliis che a formin la base par svicinâsi ai aspiets naturalistics, storics e culturâi che a caraterizin la aree protete. Pensât tant che il principi di un viaç dentri dal Parc, ogni Centri al fronte i aspiets principâi de nature, ben diferenziantsi in funzion des carateristichis particolârs dai singui comuns. La struture, logade tal Plan dai Ciclamins, intal comun di Lusevare, al ufrìs al visitadôr, soredut ai zovins des scuelis, la pussibilitât di cognossi une des vals plui sugjestivis dal Friûl, fra chês plui interessantis dal pont di viste naturalistic, storic e culturâl de aree protete.

La esposizion e je inricjide di panei ilustratîfs cun fotos sugjestivis che a descrivin la aree e di une sale multifunzionâl, e cun di plui e je ancje une biele forestarie.

Il 'gnûf' Centri visitis, da pît de cjadene de Mont di  Musi, al è intun senari naturalistic une vore interessant e siôr, fra boscs, crets, aghis e grotis carsichis. Dongje de struture al tache un percors a anel fin tal Pas di Tanamee, che si pues fâ sedi di Istât a pît o in mountain bike, sedi in Invier cui schîs di fonts.