La sede dal parc e je a Prât di Resie, intun edifici che al fâs di terace panoramiche maraveose su lis Monts di Musi e su la Mont Cjanine che a cenglin maestosis il cjanâl.

Il Centri Visitis al è la base par svicinâsi ai aspiets naturalistics, storics e culturâi che a caraterizin la aree protete. Pensâts tant che il principi di un viaç dentri dal Parc, i Centris a frontin i aspiets principâi, ben diferenziantsi daûr des carateristichis particolârs dai singui comuns.

Il Centri Visitis a Prât di Resie al è ospitât li de sede dal Parc Naturâl Regjonâl des Prealps Juliis.

Il Centri al è un lûc di incuintri di chei che a volaran svicinâsi ae realtât complesse e maraveose dal Parc, ufrint al visitadôr la pussibilitât di cognossi la aree in graciis des esposizions che a riprodusin i diviers ambients naturâi tant che il flum, il sotbosc, il prât e la mont, inricjîts di reperts gjeologjics, fasint une visite virtuâl tal teritori cjalant il plastic che al riprodûs il spazi de aree protete o doprant i aparâts informatics a disposizion, passant il troi didatic che al puarte al torint che al cor juste sot e passant tra prâts e boscs là che nol è râr intivâsi in cjavrûi e in esemplârs di pic.

In cheste struture e je ancje la oportunitât di restâ intune forestarie ospitâl cun 20 puescj par durmî, cun cjamaris dedicadis ai animâi des flabis roseanis: la bolp, il tac e la sghirate.